Nangabak iti 2024 Nobel Peace Prize ti Japanese group ti atomic bomb survivors a ni Nihon Hidankyo.
Pagaammo kas hibakusha dagiti survivors ti 1945 bombings ti Hiroshima ken Nagasaki.
Naala da met ti atensyon ti Norweigan Nobel Committee gapo iti inaramid da nga addang tapno maiyadayo iti lubong manipud kadagiti nuclear weapons.
Kinuna ni Nobel Committee Chair Joergen Watne Frydnes, adda iti dakkel a kontribusyon ti grupo para iti naan-anay a pannakalapped ti madi a panagusar iti nuclear.
Kasjay lattan iti pammadayaw na iti grupo gapo ta inbinglay da iti madi nga epekto ti nuclear weapons ken tapno saanen a maaramat pay daitoy iti masakbayan.
Maipalagip nga ti tawen 1956 ket nangipatulod ti organisasyon kadagiti survivors iti nadumaduma pagilian tapno ibinglay ti negatibo ken panagdusa da gapo iti pannakausar kenkuada ti nuclear weapons.
Nangrugi da iti kastoy nga trabaho kalpasan iti maysa dekada a panagbomba ti nuclear idiay Hiroshima ken Nagasaki.
Maipalagip nga idi Agosto 6, 1945 idi intinnag ti US bomber ti uranium bomb idiay Hiroshima City a nakatayan ti 14,000 a tattao.
Kalpasan ti tallo aldaw ket naitinnag met ti maikadua a nuclear bomb idiay Nagasaki; ken kalpasan laeng iti dua a lawas ket nagsurrenderen iti Japan nga maysa a makagapo iti panagleppas iti World War II.
Kabayatanna, makaawat da met iti premyo a buklen ti diploma, gold medal ken cash nga aggatad ti $1-milyon.
Maangay ti awarding inton bulan ti Disyembre idiay Oslo, Norway kasaruno iti death anniversary ti scientist ken prize creator a ni Alfred Nobel.
