LA UNION – Saan a bumaba iti ₱35-M a balor ti maatap a shabu a gandat nga ipuslit iti Arrival Area ti Ninoy Aquino International Airport (NAIA) Terminal 3 iti nalapdan dagiti kameng ti Philippine National Police Drug Enforcement Group .
Umabot iti lima a kilo ti shabu iti nakumpiskar dagiti otoridad kalpasan iti insayangkat a controlled delivery operation .
Segun iti Philippine National Police Drug Enforcement Group, naaresto dagiti tao da iti maysa nga African national a drug suspect.
Sumrek koma iti pagilian ti nasao a suspek nga imetna iti maatap nga ilegal a droga ngem nalapdan kalpasan a dimmalan iti X-ray machine.
Naka-binnulig ti Philippine National Police Drug Enforcement Group iti NAIA Inter-Agency Drug Interdiction Task Group ken dadduma pay nga ahensya ti gobyerno .
Sumangsango ita ti suspek iti kaso a panaglabsing iti Republic Act 9165 wenno Comprehensive Dangerous Drugs Act of 2002 .
