Mangited iti National Bureau of Investigation (NBI) ti P50,000 reward ti siasinoman makaitudo ti ayan ti maysa pay nga Alice Leal Guo nga agnanaed sadiay Quezon City.
Kayat iti NBI a madamag ti nadakamat nga indibidwal mainaig iti isaysayangkat nga imbestigasyon ti senado.
Immunan a rimuar kadagiti NBI Clearance records a dua nga babbai iti managan Alice Leal Guo, ti maysa ket gapo ti Bamban , Tarlac ken ti maysa pay ket sadiay Quezon City.
Kinuna ni NBI director Jaime Santiago nga adu nga damag ti kayat da a malawlawagan.
Atapen pay ni Santiago a mabalin nga adda iti nangibaon iti nadakamat nga babai a mangala ti NBI clearance usar iti nagan nga Alice Leal Guo a ti petsa ti nakaipasngayan na ket Hulyo 12, 1986, idiay Tarlac.
