LA UNION – Umabot ti pakabuklan a 171 a pidaso ti naputed a kayo ti gmelina ken mapatta-patta nga agbalor ti P8, 550 iti kinumpiskar dagiti otoridad iti naisayangkat nga anti-illegal logging operation idiay Barangay Lower San Agustin, Bauang, La Union.
Nupay kasta, dagiti dua a saan metten a nainaganan a suspek ket dagus a naglibas sakbay pay a nakasangpet dagiti nagresponde nga otoridad.
Dagiti nasao nga illegal logs ket agtaltalinaed pay laeng iti custodiya ti Bauang Police Station ken nakatuding a mai-turnover iti Provincial Environment and Natural Resources Office (PENRO).
