LA UNION – Inpannakkel ti Philippine Amusement and Gaming Corp. (PAGCOR) a nasurok a doble ti net income-da iti umuna nga innem a bulan ti 2024.
Segun iti PAGCOR, ngimmato ti income-da iti 121.48% wenno P6.56 billion manipud iti dati a P2.96-B iti isu met laeng a bulan ti 2023.
Ngimmato met ti gross gaming revenue (GGR) iti 19.21% wenno katupag ti 194.743 bilion ken ngimmato ti gross revenues iti 42.92% wenno katupag ti P51.76 bilion.
Segun ken ni PAGCOR chairman ken chief executive officer Alejandro Tengco, immadu ti phenomenal revenue kadagiti sektor ti E-Games no sadino nga immadu ti bilang dagiti players ken investors nga interesado a sumrek ditoy pagilian.
