Uppat a kameng ti Pamilia Duterte ti nangipila iti Certificate of Candidacy wenno COC idi kalman.
Indauluan ni dati a presidente Rodrigo Duterte ti pannakaipila ti COC kas kina-Mayor ti Siudad ti Davao.
Kabayatanna, agkandidato ti anakna a ni Davao City Mayor Sebastian Duterte kas Bise Mayor; ti apo na a ni Omar Duterte, anak ni 1st district representative Paolo Duterte ket kandidato para iti 2nd district representative.
Ni Omar ket agdama a Barangay Captain ti Buhangin Proper, Siudad ti Davao.
Nangipila met ni Davao City 1st district Representative Paolo Duterte ti COC na.
Daytoy ti maudi a terminona kas lehislador ti umuna a distrito ti Siudad.
Ti abogadona a ni Attorney Elijah Pepito ti nangipila iti COC ni Congressman Pulong.
