LA UNION – Agyamyaman iti pamilya ni retired Provincial Tresure Sergio Valmonte kadagit timmulong kenkuana kalpasan a saan a nakaawid daytoy iti uneg ti dua a lawas idiay balayda ken naisar-ong idiay Barangay San Rafael, ili ti Rodriguez, Rizal.
Iti pannakiuman ti Bombo Radyo iti bumalay ni Valmonte a ni Virginia Villanueva, kinunana nga agturongda idiay syudad ti Makati tapno sukunen daytoy ngab agsubli iti pagtaenganda idiay Barangay Pagdaraoan, syudad ti San Fernando, La Union inton bigat ti parbangon.
Adda metten iti nasayaat a kasasaad ti 80-anyos a ni lolo Sergio ken agtaltalinaed ita sidong ti kabagyanna idiay Makati.
Maragsakan ken agyamyaman met nni Villanueva gapu ta saan a naisagmak ni lolo Sergio.
Kabayatanna, nag-istorya met ni Maricris Santos maipapan iti inaramidna a panangtulong kenni lolo Sergio idi a maisar-ong daytoy idiay lugarda idiay ili ti Rodirguez, Rizal.
Immuna a nakita na ni lolo Sergio iti sango ti tarsenada ken panagmeryendana daytoy kasaruno ti panagsaludsod.
Nag-post iti panawagan ni Santos iti Facebook gapu iti namnama nga adda ti makabigbig kenni lolo Sergio.
Sumagmamano a kabagyan ti lolo iti nakapansin ti nasao a panawagan ken dagusda a sinukon daytoy.
