Bimmaba ti net external liability ti pagilian iti 3.6% manipud iti P3 trillion iti umuna a kuarter ti 2024 agingga iti P2.9 trillion iti 2nd quarter ti 2024 gapu iti nangatngato a net external assets ti Central Bank; ngem apagapaman a nilapdan daitoy ti ti panagngato ti net external liability.
Ngimmato met ti net financial liability iti 3.4% quarter-on-quarter agingga iti P10.2 trillion manipud iti P9.9 trillion.
Daytoy ket gapuanan ti kanayonan a pondo manipud kadagiti foreign source ken panagbaba ti deposito ti sektor iti Banko Sentral.
Dimmakkel ti net financial liability dagiti non-financial corporations iti 2.3% agingga iti P9.8 trillion manipud iti P9.5 trillion, kangrunaanna gapu iti panagngato ti pautang kadagiti depository corporations ken panagbaba ti deposito kadagiti banko.
Immadu met ti net financial assets dagiti sangakabbalayan iti 1.3% agingga iti P14 trillion manipud iti P13.8 trillion gapu iti panagngato ti bank deposits ken investments iti equity ken investment fund shares.
Ti net financial assets dagiti dadduma a depository corporations ket ngimmato iti 12.7% agingga iti P1.6 trillion manipud iti P1.4 trillion ngem bimmaba iti tinawen gapu iti panagngato ti deposit liabilities kadagiti sangakabbalayan.
Kabayatanna, dimmakkel ti net financial assets ti Bangko Sentral iti 28.6 porsiento agingga iti P1.2 trillion manipud iti P1 trillion gapu iti immadu nga investments iti foreign debt securities ken deposito kadagiti foreign banks.
