Nakapsot iti panaglakuan ti souvenirs no bulan ti Enero; Marso, Abril wenno iti summer, ken ti kapigsaan ket bulan ti Disiembre.
Manipud idiay Mindanao dagiti lako ni Jhay Quinzon, maysa nga aglaklako ti souvenirs idiay Urbiztondo Beach, San Juan, La Union.
Kinuna na nga adda dagiti tiempo a bumatok da iti kabaybayan tapno mangala ti shells a maaramat kadagiti accessories.
Shell bracelet iti kangrunaan a magatgatang kenkuana nga agbalor ti 50 aginggana 100 pesos.
Adda met ti lakona nga accessories set a buklen ti pearl necklace, bracelet, ken earrings nga agbalor ti 500 agingga 1,000 pesos.
Aglaklako isuna manipud alas-6 ti bigat agingga alas-6 ti rabii.
Imbinglay pay ni Quinzon a nangrugi isuna nga aglako dagiti souvenirs idi 2021 ken agpada iti presio nga idiaydiaya kadagiti Pilipino ken gangganaet.
Napalaus met ti panagyamanna kadagiti gumatgatang kadagiti tagilako na, nga isu ti pagtataudan ti inaldaw a pagbiaganda a sangkapamilya.###
