SAN JUAN, LA UNION — Saan a bumaba ti 16 a pasahero dagiti nadundunor, agramanen dagiti tallo a natukkolan ti tulang, kasaruno a dinungpar ti maysa a Truck bus ti nakaparada a Backhoe loader, alas-2:05 ti parbangon, Oktubre 7, 2026, idiay kawatiwatan ti National Highway, Barangay Taboc, San Juan, La Union.
Ti nakaparada a backhoe loader ket kukua ni Michael Angelo Nisperos Garcia, 33-anyos, addaan asawa, ken residente ti Barangay Parian, Ciudad ti San Fernando, La Union. Ti Truck bus met nga addaan plaka a KLQ 6102, ket nakarehistro iti Transport Pro Services, Incorporated a minaneho ni Edgar Tabbada Tangonan, 33-anyos, awanan asawa, ken residente iti Barangay San Isidro, San Juan, Ilocos Sur.
Maibasar iti inisyal nga imbestigasyon, ti backhoe loader ket nakaparada nga awan iti bantay na iti agpa-Amianan a paset, igid iti national highway, a nakasango iti Abagatan.
Kabayatanna, dupdupagen met iti bus ti agpa-Amianan a direksyon idi nairidep ken nakaturog iti driver iti panagmaneho na, rason tapno madungpar na iti loader ken idi agangay ket natnag iti kanal a paset iti maar-aramid a kalsada.
Segun kadagiti otoridad, mapatta-patta a 30 a pasahero, agramanen ti konduktor, ti sakay ti bus idi mapasamak ti insidente; tallo kadakuada ti natukkolan iti tulang bayat a 12 met dagiti nagsagaba ti minor injuries.
Karaman kadagiti nagsagaba ti fracture ken natukkolan ti tulang ket isuda Eduardo Gerardo Edra Rarama, 70-anyos, addaan asawa, residente ti Barangay 23, San Andres, Sarrat, Ilocos Norte; Desmondo Regacho Narag, 65-anyos, addaan asawa, residente ti Araneta Extension, Quezon City; ken iti bus conductor a ni James Cachero Casil, 33-anyos, addaan asawa, residente ti Barangay Nagbacalan, Paoay, Ilocos Norte.
Kabayatanna, nagsagaba met kadagiti minor injuries da Corazon Sivelar Corpuz, 85-anyos, balo, residente ti Barangay Quezon, Cabugao, Ilocos Sur; Babyjoy Cabreros Alarzar, 42-anyos, married, residente ti Santo Tomas, Batangas; Conchita Vercida Pico, 76-anyos, widow, residente ti Cristina Homes, Camarin, Caloocan City; Benjie Cabungan Latitude, 35-anyos, married, residente ti Tandang Sora Avenue, Quezon City; Edison Alinian Villanueva, 37-anyos, married, residente ti Claveria Cagayan; Magdalena Sivelar Corpuz, 62-anyos, married, residente ti Cabugao, Ilocos Sur; Alexander Esquevel Generoso, 80-anyos, residente ti Batac, Ilocos Norte; Aida Quilal-lal Generoso, 75-anyos, residente ti Batac Ilocos Norte; Marcidita Lagan Basilio, 57-anyos, residente ti San Francisco, Dingras, Ilocos Norte; Iane Denisher Pahinag Soriano, 23-anyos, residente ti Dingras Ilocos Sur; Clarita Alina Aguinaldo Junior, 40-anyos, awanan asawa, residente ti Purok 5, Upang, Antipolo City; ken Madeline Rabanal Bueno, 60-anyos, addaan asawa, residente ti Guidam, Babulog, Cagayan
Inturong ti San Juan Municipal Disaster Risk Reduction and Management Office (MDRRMO) dagiti tallo a natukkolan ti tulang sadiay Ilocos Training and Regional Medical Center (ITRMC), Ciudad ti San Fernando, bayat a dagiti met 13 a nagsagaba ti minor injuries ket naiturong idiay Bacnotan District Hospital para iti medikal nga atensyon ken pannakataming.
Agpada met a nakagun-od iti saan pay a masinunuo a gatad ti perdisyon dagiti dua bayat nga agtultuloy iti imbestigasyon dagiti otoridad. | via Bombo Rafael Galano
