Pinasingkedan ni National Bureau of Investigation Director Jaime B. Santiagoa a nakaisubmitiren ti reklamo iti ahensya da iti Department of Justice kontra kadagiti pasimuno ti nagwaras a peke nga ‘polvoronic video’ ni Presidente Ferdinand Marcos Junior.
Maipalagip a nagwaras ti kontrobersyal a video ti Presidente a nainget met a pinasingkedan ti gobierno a namanipula ken parparbeng laeng.
Kas maiyannurot ti waragawag ti Malacañang a makakaammo dan, kadwa iti Department of Justice a mangipila ti reklamo kontra kadagiti adda iti likudan ti peke a video.
Segun kenni NBI Director Jaime Santiago, manamnama a mangiruar ti Department of Justice ti maysa a resolusyon tapno maamwan ti desisyon ti naipila nga kaso.
