LA UNION – Kinumpirma ni sigud a US President Donald Trump a saanen a maisubli pay iti bassit a paset ti lapayag na a natamaan ti bala gaputi panang-paltog ti 20-anyos a suspek idi sabado idiay Pennsylvania.
Istorya ni Trump, dagus a sinalakniban isuna ti Secret Service kalpasan ti assassination attempt.
Gapu iti tarigagay dagiti security personnel a maprotektaran daytoy, napaspas iti nagbalin a garaw dagitoy, ket urayla naikkat ti sapatos na.
Kinuna ti sigud a presidente, kayatna pay koma ti agsao ken adu pay ti ibaga na, ngem nasken a pumanawen iti nasao a lugar.
Nagsagrap ni Trump ti garumyad iti takyag, gaputi panag-kulmeg na.
Kinuna na nga umatendar iti tabon ni Corey Comperatore, iti natay nga atendee ken maysa kadagiti nagbuya iti political rally idiay Pennsylvania.
