BR LA UNION – Nangipeksa ti naimpuswan a panagyaman ni President Ferdinand Marcos Jr., iti kontribusyon ti Philippine Army iti national defense, constitutional integrity, ken public safety kasaruno iti selebrasyon ti maika-128 a Founding Anniversary dagitoy.
Impaganetget ni President Marcos iti kinatured, kinatibker, ken dedikasyon dagiti suldado para iti maysa a natalged, natibker ken agkaykaysa a pagilian para iti sumarsaruno nga henerasyon.
Iti panagbetla ti Presidente, maiparbeng kunana a bigbigen dagiti suldado iti kinatured ken kinatibker dagitoy a sumangsango iti dadackel a karit.
Impaganetget na pay a nasken nga adda natibker a takder dagiti suldado a saan a basta maballikog kadagiti pannubok ken ti pudno a pagrukodan ket iti nakasagana a kanayon a mangipa-igid iti bukod nga interes para iti nangatngato a tarigagay.
Kinuna pay ti Presidente a nasken nga agpannuray iti tarigagay a maaddaan ti panagkaykaysa, naingkalintegan,agturong iti pudno a nakapya a pagilian.
Rinaem ni Presidente Marcos iti Phil. Army a nakagun-od ti nangato a marka maibasar iti naisayangkat a General Security of Military Information Agreement evaluation.
