Dinagadag ni Presidente Ferdinand Marcos Jr., dagiti Pilipino nga iraman ti kararag tatta nga Undas dagiti pimmusay gapo iti Bagong Kristine ken Leon.
Segun iti Presidente, nadagsen a pannubok ti napasaran dagiti Pilipino gapo kadagiti naglabas a didigra.
Minilyon kunana dagiti naapektaran ken adu pay ti agingga ita ket mapukpukaw.
Innayon pay ti Presidente a saan nga ang-angaw iti pangta ti climate change isu ket nasken a maadal a naimbag dagiti maitutop nga addang tapno mataming daitoy a problema.
Kabayatanna, impasiguro met ti Presidente dagiti tulong kadagiti biktima manipud iti gobierno.
