Nagsapat kenni Presidente Ferdinand Marcos Jr. dagiti 39 a baro a promote nga star-ranked generals ti Philippine National Police.
Dagiti 39 ket buklen dagiti uppat nga Police Lieutenant Generals, 11 Police Major Generals, ken 24 a Police Brigadier Generals.
Pakairamanan kadagiti nagsapata ket isuda PNP Deputy Chief for Administration Police Lieutenant General Jose Melencio Nartatez, Chief of the Directorial Staff Police Lieutenant General Edgar Alan Okubo, Western Mindanao Area Commander Police Lieutenant General Bernard Banac, PNP-CIDG Chief Police Major General Nicholas Torre III ken PNP Spokesperson Police Brigadier General Jean Fajardo.
Iti panagbetla ti Presidente, pinalagipan na dagiti newly-promoted Generals ti PNP a kagiddan ti panagngato ti ranggo da ket kasta met ti kanayunan a maipabaklay nga responsibilidad.
Kasapulan kunana nga iti posisyon a daitoy ket addaan ti kangatuan a lebel ti moral, propesyonalismo, ken panagraem iti karbengan pangtao iti amin nga oras.
Imbilin pay ti Commander-in-Chief a taginayonen nga isapuso ti sinapataan a trabaho ti Republika ti Pilipinas kasta met nga agbasar ken protektaran ti Konstitusyon.
