BR LA UNION – Indaulwan ni President Ferdinand R. Marcos Jr. iti pannakalagip ti maika-80 nga anibersaryo ti Liberation of Manila idiay Manila American Cemetery and Memorial idiay siyudad ti Taguig.
Dimmar-ay iti nasao nga aktibidad dagiti mangibagbagi iti gobyerno ti Estados Unidos, nalatak a personalidad ditoy Pilipinas, ken dagiti beterano ti World War II tapno mangipaay ti panagraem kadagiti nagbuwis ti biag da, ti maysa kadagiti kadaraan a rinnupak iti pakasaritaan ti Pilipinas.
Iti Liberation of Manila ket napasamak idi Pebrero agingga Marso 1945, idi nakarinnupak iti tropa nga Amerikano ken Pilipino kontra iti pwersa dagiti Hapon.
Nagresulta daytoy iti nakaru a pannakadadael ti kabisera ken pannakatay dagiti ribu a suldado ken sibilyan.
Itilikudan ti trahedya, nagleppas daytoy iti naan-anay a pannakawayawaya ti Manila manipud kadagiti mannakop nga Hapones idi maikadwa a gubat sangalubongan.
Dagiti historiko a lugar kas dagiti simbaan, pagadalan, ken pasdek ti gobyerno ket nadadadel ken intero a komunidad ket napukawan ti pagtaengan.
Iti Manila American Cemetery iti nagbalin a tanem ti nasurok 17,000 a tropa ti Amerika ken aganay 36,300 nga indibidwal a napukaw iti nasao a gubat.
Iti panang-lagip ti pagilian iti napnuan pakasaritaan a pasamak, agserbi pay daytoy a pammalagip kadagiti sakripisyo nga inaramid para iti panagway-waya ken napaut nga epekto ti gubat iti pakasaritaan ti pagilian.
