Dumanonen iti agarop kagudwa bilyon iti nailista a perdisyon iti sektor ti agrikultura ken imprastraktura gapo iti naglabas a bagyong Crising ken ti panagraira ti Habagat.
Maibasar iti inruar a datos ti National Disaster Risk Reduction and Management Council, dumanon daytoyen iti nasurok P467-M.
Manipud iti nasao a bilang, dumanon iti P423 million iti nailista a perdisyon iti imprastraktura partikular iti Ilocos Region, Western Visayas, ken MIMAROPA.
Nangibati met ti nasurok P54 million iti gatad ti perdisyon iti sektor ti Agrikultura manipud kadagiti lima a rehiyon ti pagilian pakairamanan dagiti high value crops, fisheries, livestock, ken poultry manipud kadagiti paset ti Ilocos Region, Cagayan Valley, Central Luzon, MIMAROPA, ken Negros Island Region.
Mainaig iti daytoy ket dumanon ti 2,344 dagiti mannalon ken mangngalap iti apektado ti pagbiagan da gapo iti dakes a kasasaad ti panawen.#
