Nagbotos ti pabor ti Pilipinas iti worldwide moratorium ti panagusar ti death penalty kas legal a dusa iti naangay a United Nations General Assembly.
Karaman ti PH kadagiti 129 a dadduma pay a pagilian a pimmabor ti resolution idi Disyembre 17 a mangibagi ti nasakap a panagkontra ti nasao a pannusa.
Nakagun-od ti resolution ti two-thirds majority a pabor, 32 a pagilian met ti kimmontra ken 22 ti nag-abstain.
Indauloan met ti Argentina ken Italy ti nadakamat nga addang babaen ti Inter-Regional Task Force karaman dagiti 70 co-sponsors.
Daitoy a resolution ket mapagsasaritaan tunggal dua a tawen, nu sadino panggep a mallukoy dagiti pagilian tapno malapdan ti executions kabayatan a matrabtrabaho paylaeng ti naan-anay a pannakabuwag ti death penalty ti intero a lubong.
Maipalagip nga ditoy Pilipinas, naan-anayen a naikkat ti bitay idi 2006 iti sidong ni sigud a Presidente Gloria Macapagal Arroyo ken naipababan ti capital punishment ti Reclusion Perpetua wenno tungpal biag a pannakabalud.
