Prinangka ni Senate Committee on Ways and Means Chairman Senador Sherwin Gatchalian nga aglanglagoy iti kinaado iti pondo iti Philippine Health Insurance Corporation wenno PhilHealth.
Segun kenni Gatchalian, ti panangipulang iti ahensya iti P89B iti Bureau of Treasury ket awan iti epekto na kadagiti benepisyaryo.
Kinuna daitoy iti Senador kalpasan iti kontrobersiya iti panangipulang ti PhilHealth iti Bureau of Treasury ti P89B a subsidiya a naawat ti state insurer manipud gobierno, agsipud ta matmaturog laeng daitoy iti kaban iti kaban ti PhilHealth.
Maibasar iti report, agdagup P500B a reserba nga pondo iti nakadulin iti kaban ti PhilHealth, isu a saan a maapektuhan dagiti serbisyo daitoy kadagiti miyembro-na.
Innayon pay ni Gatchalian nga ad-adalen nan nu kasatno a maikkan iti “flexibility” ti Department of Finance, nga idadauloan ni Secretary Ralph Recto, nu kasatno iti pamay-an iti ‘pananalapi’ iti gobierno nasyonal aglalo kadagiti pondo a saan met a maus-usar dagiti ahensiya iti laksid ti kiddaw-da ken budget allocation.
Impaganetget daitoy a mabalin a mausar iti pondo iti panangipasdek iti classrooms, panangpaaramid kadagiti baro a kalsada wenno sabali pay a programa nga imbes a matmaturog laeng daitoy a pondo ken saan met a magungonnaan iti kaaduan.
