Mangiruar ti Pilipinas ti baro ken napasayaat a mapa ti pagilian kalpasan ti panagbalin a linteg ti Maritime Zones act ken Philippine Archipelagic Sea Lanes Act.
Inwaragawag ni Usec. Peter Tiangco, Administrator ti National Mapping and Resource Information Authority, a ti baro a mapa ket naglaon iti amin a lugar a saklawen ti sako ken sovereign rights ti Pilipinas, pakairamanan ti West Philippine Sea.
Pangtapat daytoy iti 9-dash line map iti China.
Segun kenni Tiangco, ti dakkel a nagdumaan ti mapa ti Pilipinas ket addaan daytoy iti legal a basaran ken suportado dagiti agdama a linteg.
Iti agdama, kuna ni Tiangco nga ur-urayenda laeng ti pannakairuar ti Implementing Rules and Regulations tapno maadaptar ken maipablaak kamaudiananna iti mapa.
Maipalagip nga idi pay tawen 2012 idi nag-update ti Pilipinas iti mapa.
