LA UNION – Pimmigsa pay ti bagyo “OFEL” bayat nga adda iti kabaybayan ti Pilipinas daya ti Aurora.
Naudi a nakita iti sentro ti mata ti bagyo Ofel iti kaadayu a 425 kilometro daya ti Baler, Aurora.
Kabuyog na ti angin a 130 kilometro kada oras asideg iti sentro ken kappegges a dumanon iti 160 kilometro kada oras.
Dup-dupagenna iti laud amianan-a-palaud iti kapartak a 20 kilometro kada oras.
Namnamaen nga ag-landfall iti eastern coast ti Cagayan wenno idiay Isabela, malem inton bigat, November 14.
Mabalin met a lumabas wenno ag-landfall idiay Babuyan Islands,kalpasanna, agturong iti kabaybayan idiay daya ti Taiwan.
Maibasar iti forecast ti Pagasa, posible pay a pumigsa ti bagyo iti sumaganad a 24 nga oras ken ag-landfall kabayatan ti kapigsa ti bagyo.
Ngem ti panag-landfall na ti mangpakapsot iti bagyo agingga a malpas iti forecast period.
Iti tropical Cyclone Wind Signal No.2 ket nakaibayog idiay:
- Cagayan including Babuyan Islands
- Northern ken eastern portions ti Isabela (Maconacon, Divilacan, Palanan, San Pablo, Cabagan, Santa Maria, Santo Tomas, Tumauini, Ilagan City)
- Apayao
- Northern portion ti Ilocos Norte (Carasi, Vintar, Burgos, Adams, Pagudpud, Bangui, Dumalneg)
Signal #1
- Batanes
- Rest of Isabela
- Quirino
- Northern portion ti Nueva Vizcaya (Kasibu, Ambaguio, Solano, Bayombong, Quezon, Bagabag, Diadi, Villaverde)
- Kalinga
- Abra
- Mountain Province
- Ifugao,
- Rest of Ilocos Norte
- Northern portion ti Aurora (Dilasag, Casiguran, Dinalungan, Dipaculao)
