BR LA UNION – Addan ti person of interest ti La Union Police wenno suspek iti pannakatay ti maysa a mangisursuro idi Sabado, Enero 11, idiay Barangay San Antonio, Aringay, La Union.
Iti pannakiuman ti Bombo Radyo La Union kenni Police Major Lawrence Ganuelas, Provincial Community Affairs and Development Unit (PCADU) chief ti La Union Police Provincial Office (LUPPO), kinuna na a dackel nga ebidensiya iti nabati ken narekobre a kutsilyo iti crime scene.
Segun kenni Major Ganuelas, maibasar iti imbestigasyon dagiti otoridad, posible nga am-ammo ti biktima iti suspek.
Maibasar iti report ti pulisiya, iti biktima ket nabigbig iti nagan nga Alfredo Neverida Medriano Jr alyas Boyet, agtawen ti 57, awanan asawa, maysa a public school teacher ti Tagudtud Elementary ASchool idiay ili ti Bagulin ken residente ti Barangay Dulao, Aringay, La Union.
Naamwan a maysa a mannalon, managan Roger Delinilla Campos, 37, residente ti nasao a lugar iti nakakita ti naidasay a bagi ti biktima iti asideg iti dike ti Aringay River idiay Sitio Pidpid, Barangay San Antonio, Aringay.
Dagus na met nga impaka-ammo daytoy iti Punong Barangay a ni Marilou Ugay Amaya, 55-anyos.
Innayon pay ni M,ajor Ganuelas a nagsagaba ti fatal stab wounds iti biktima a pakaibilangan ti bagsol iti karabukob na, puon ti dagus a nakatayan daytoy.
