LA UNION – Naminsan manen nga impaganetget ti Philippine National Police a saan da a konsintiren iti siasinuman a pulis a maamwan da a karaman iti illegal nga aktibidad ti Philippine Offshore Gaming Corporation wenno POGO.
Segun kenni PNP spokesperson Col. Jean Fajardo, anyaman iti ranggo ti pulis a mairaman iti POGO ket saan da a pakawanen.
Isutgapuna a nagpanawagan ti pulisya kadagiti indibidwal nga adda impormasyon na iti posible nga involvement dagiti otoridad iti ilegal nga aktibidad, a makitinnulong kadakuada.
Immunan a naipadamag a nagballaag ni PNP Chief Rommel Francisco Marbil seknan daytoy, kasaruno dagiti unreported a pammapatay kadagiti gangannaet, manipud kadagiti nadiskubre a POGO Hub iti central luzon.
Ngem siniguro ni Marbil nga awan pay iti nakita da a pulis a protector ti POGO.
