BR LA UNION – Kinumpirma iti liderato ti Philippine National Police nga umabot iti uppat nga indibidwal iti nailista dan a natay manipud kadagiti kumpirmado nga election-related incident ditoy pagilian.
Iti maysa a waragawag ket imbaga ni Philippine National Police (PNP) Spokesperson PBGen Jean Fajardo, ti nasao a datos ket naggapo iti 23 suspected election-related incidents, manipud Enero 12 agingga Marso 2 ti agdama a tawen.
Manipud iti nasao a bilang a 23 suspected election-related incidents, walo ti nakumpirma nga adda pakainaiganna iti eleksiyon ket uppat iti kumpirmado a nailista a natay.
Pakaibilangan ditoy dagiti lima a shooting incident, cyber libel, mauling ken bombing incident.
Agtultuloy iti isay-sayangkat a panagbantay dagiti kameng ti Pambansang Pulisya tapno masiguro ti naannayas nga eleksiyon ita a tawen ditoy pagilian.
