LA UNION – Dinipensaan ni President Ferdinand Marcos Jr. iti panangipaay ti zero subsidy iti Philhealth.
Segun kenni Pres. Marcos, adu ngamin iti reserba a pondo ti Philhealth nga agbalor ti P500 bilyon a pisos.
Nu maipapan iti gastos kunana ti PhilHealth ket nasurok P100 bilyon a pisos, isunga dackel latta ti mabati a reserba a pondo daytoy.
Ti rason kuna ti Presidente nga imbabawi ti Department of Finance iti pondo ti Philhealth agsipudta iti napalabas a dua a tawen ket dackel ti saan a nausar ditoy.
Gaputi dayta, iti subsidiya ti gobyerno iti Philhealth ket naka-tengga laeng iti bank account daytoy.
Mamati iti Presidente a kabaelan ti PhilHealth a sungbatan ken sustentuan ti amin a gastos dagitoy, serbisyo ken pagkasapolan.
