LA UNION – Paayaban manen dagiti prosecutors ni President Yoon Suk Yeol kalpasan ti panang-isnab na iti immuna a summon a dumar-ay iti imbestigasyon.
Napatulodan ti summon ni President Yoon idi Miyerkules tapno dumar-ay iti Seoul Central District Prosecutors Office idi Domingo para iti panang-kwestiyon ti kontrobersyal a panangideklara na ti martial law nga imbabawi na met laeng kalpasan ti sumagmamano nga oras, ngem saan a nagparang daytoy.
Gaputi dayta, plano manen dagiti prosecutors nga imbitaran ni Yoon ita nga aldaw ti Lunes.
Imbaga ti maysa nga opisyal iti prosecution nga impatulod da ti summon iti opisina ni Yoon ngem nagkedked daytoy a kumpirmaren nu nangipaay ti sungbat ti Presidente.
Mak-akusaran ni Yoon iti panagabuso iti bileg gaputi panangi-deklara na ti martial law, a makuna nga unconstitutional ken unlawful ken iti panang-bilin na iti military commander nga agpatulod ti tropa iti National Assembly.
Iti suspendido a presidente ket napatawan pay ti travel ban.
Na-impeach ni Yoon babaen iti parliamentary vote idi Sabado, 11 nga aldaw kalpasan a nagdeklara ti martial law ngem ni-reject ti National Assembly.
