LA UNION – Immandar ni Presidente Ferdinand Marcos, Jr. nga iyakar dagiti Pilipino idiay Lebanon iti anyaman a wagas, by air wenno by sea, iti tengnga ti kumarkaru a tensyon iti baetan ti Israel ken Hezbollah.
Iti bilin ni Presidente Marcos ket inaramid na iti maysa nga “urgent” virtual conference kadagiti sumagmamano a miyembro ti gabinete iti
sidelines ti Association of Southeast Asian Nations (ASEAN) Summit idiay Lao, tapno talantanen ti sitwasyon idiay Middle East.
Imbaga ti Presidente, a nakangato pay laeng iti alert level 3 idiay Lebanon wenno kaipapan pay laeng ti code for a voluntary repatriation.
Ngem tarigagay ti Presidente nga agsagana amin a Pilipino idiay Lebanon a kayatna ti agawid, tapno inton adda dagiti assets, kas koma iti barko wenno eroplano a mangsukon kadagitoy ket nakasagana dan a dagus a maiyakar.
Inaramid ti Presidente iti direktiba kalpasan ti napasamak a nasurok 30 nga air raid dagiti eroplano ti Israel iti abagatan a paset ti Lebanese capital.
Maibasar iti datos ti Presidential Communications Office (PCO) idi Oktubre 8, nakaawat ti Philippine Embassy idiay Beirut ti 1,721 aplikasyon para iti repatriation, ken 511 iti na-repatriate ken 171 ti nakasaganan para iti repatriation.
Dagiti Pilipino nga ag-repatriate manipud Lebanon ket makaawat ti P150,000 a tulong pinansyal manipud iti gobyerno, babaen ti Department of Migrant Workers’ Aksyon Fund ken Overseas Workers Welfare Administration’s Emergency Repatriation Fund.
Kabayatanna, adda nasurok 11,000 a Pilipino a mangmangged ken agnanaed idiay Lebanon.
