BR LA UNION – Sakbay a pumanaw iti opisina na, nagdesisyon ni President Joe Biden a mangibati ti surat para kenni President-elect
Donald Trump.
Maipalagip nga idi inagurasyon ni Biden, uppat a tawenen ti napalabas, saan a dinar-ayan ni Trump iti nasao nga inagurasyon gaputa saanna a maawat ti panangabak ni Biden.
Ngem adda kunana iti maysa a presidential tradition a sinurot ni Trump. Dayta ket idi nangibati ti surat iti Resolute Desk iti Oval Office.
Ngem saanen a dinakamat ni Biden nu anya iti linaun dayta a surat ni Trump, malaksid iti panangiladawanna kas “very generous.”
Sumagmamano pay nga oras sakbay ti inagurasyon, maaddaan ti sumagmamano a kanito a panagkuyog da Trump ken Biden, a pakairamanan ti panaglugan da a dua iti presidential limo agturong idiay Capitol para iti inauguration.
Makuna nga ‘awkward’ iti panagkuyog da ti apagbiit, kalpasan nga imbaga ni Trump iti rally speech na idi kalman, a saan na a magustuan ti legasiya ti sinaruno na a presidente.
