BR LA UNION – Inyanunsyo ni US President Donald Trump nga i-take over pay laeng ti Estados Unidos iti Venezuela kalpasan ti ballaygi nga operasyon militar idiay Caracas.
Segun kenkuana, temporaryo nga imatunan ti U.S. ti nasao a pagilian agingga a mabuangay ti natalged a transisyon agturong iti baro a gobyerno.
Inaresto ti puwersa dagiti Amerikano ni Venezuelan President Nicolás Maduro ken asawa na a ni Cilia Flores.
Naiturong dagitoy idiay Estados Unidos tapno sangwen ti kaso a narco-terrorism ken drug trafficking.
Agtaltalinaed a maipat-patungpal ti embargo iti langis ti Venezuela bayat a nakaposisyon iti pwersa pangbaybay ti U.S. iti rehiyon.
Binallaagan ni Trump iti dadduma pay nga opisyal ti Venezuela a mabalin a mapasamak met kadakuada ti napasamak kenni Maduro nu itultuloy da ti agbalin a managabuso.
Plano ti U.S. nga iraman dagiti kompanya nga Amerikano iti panagipatakder ti industriya ti langis idiay Venezuela.
Ibilang ti gobyerno dagiti Amerikano a ballaygi iti operasyon ken rugi ti panagsubli iti naganaygay nga ekonomiya ti nasao a pagilian.
