BR LA UNION – Siniguro ni Presidente Ferdinand “Bongbong” Marcos Jr. a mangar-aramid ti addang ti gobyerno tapno saan nga agresulta iti panagngina ti taraon iti agtultuloy a panagngato ti presyo dagiti produkto a petrolyo ditoy pagilian.
Babaen ti programa nga UPLIFT (Unified Project for Low-Income Families and Targeted Support), imbaga ti Presidente a nasapa a nagtignay iti administrasyon tapno mapagtalinaed a kabaelan ti presyo ti bagas ken masiguro nga umdas iti supply iti merkado.
Impaganetget ni Pres. Marcos a ti panagngato ti presyo ti langis ket saan a rason ti panagngato ti presyo ti taraon.
Gaputi dayta, inrekomenda ti National Price Coordinating Council (NPCC) nga iyemplementar ti price cap a P50 kada kilo ti imported a bagas babaen iti bileg ti maysa nga executive order.
