Impaulogen ti Department of Health (DOH) ti “Code White Alert” kadagiti pampubliko nga ospital ti intero a pagilian kas panagsagana ti Baro a Tawen.
Kinuna ni Health Assistant Secretary Albert Domingo a kayat a satwen daitoy ket ita paylang, nakasagana dan nga umawat kadagiti pasyente a biktima ti paputok.
Nakasagana metten nga usaren ti DOH dagiti pangputed ti parte ti bagi ti tao a nakaro a maapektaran ti kastoy a kaso.
Nangpalagip ti ahensya iti publiko, nangnangruna kadagiti agtutubo nga aramiden a natalged ti panagrambak ti Paskua ken Baro a Tawen ken saan nga agbalin a nasukir tapno saan a maputdan ti ramay.
Idi napalabas a tawen ket nakairekord ti DOH ti nasurok 100 a tattao a nadundunor gapo iti paputok iti panagsarabo da ti Baro a Tawen.
