LA UNION – Mararaem iti inaramid ti maysa a pulis a nakapidot iti dackel a kantidad ti kuwarta kalpasan nga insubli na iti akinkukua.
Immuna ti daytoy, mangisay-sayangkat ti panag-patrolya ni PO2 Sonny Perez, miyembro ti San Fernando City Police Station, iti uneg ti CSI mall ditoy syudad, idi makita na ti nabati a maysa a black sling bag a nakaparabaw iti tugaw manipud iti maysa a panganan.
Maibasar iti report, ti nasao a bag ket naglaun iti cash money nga umabot ti P114,960.00 ATM card, Ids , ken dadduma pay a dokumentos.
Nupay kasta, naisubli met laeng a dagus ti nasao a bag iti akinkukua, a managan Renato Alvarez, 39, taga Sison, Pangasinan kalpasan nga impaka-ammo kenkuana ni Perez babaen ti nakita na a contact number daytoy.
