Impasidong ti Department of Justice (DOJ) ti panangexamin ti reklamo iti dua nga Chinese a naisalakan ti POGO hub idiay Porac, Pampanga.
Segun kenni Prosecutor Darwin Cañete iti Anti-POGO Task Force, kalpasan paylaeng iti panangexamin nga ituding iti Department of Justice ti preliminary investigation tapno denggen ti reklamo kontra kenda Qin Ren Gou ken Jiang Shi Guang, Managers iti naraut nga Lucky South 99.
Ti dua ket inpilaan ti kadwa da Chinese iti human trafficking, robbery with violence, serious physical injuries, kidnapping ken serious illegal detention.
Karaman ti nangipila ti reklamo ket ti Chinese a naisalakan dagiti otoridad a nakaposas iti frame ti maysa nga kama ken maysa pay a bugbog-sarado dagiti tao ti POGO hub.
Agdama nga agnanaed ti dua a Chinese Managers iti temporary detention facility ti Presidential Anti-Organized Crime Commission (PAOCC) idiay Pasay City, bayat nga agtultuloy ti panangbirok ti pito pay a kakadwa da.
