BR LA UNION – Adalen ti gobyerno iti rekomendasyon a kissayan iti oras ti panagpasada dagiti driver ti public utility bus.
Daytoy ket kalpasan a naipadamag iti nagsasaruno nga insidente ti vehicular accident a nakatayan ti sumagmamano nga indibidwal.
Segun kenni Palace Press Officer Claire Castro, malidayan unay ni President Ferdinand Marcos Jr. kadagiti mailislista nga aksidente.
Gaputi dayta, immandar na kenni Transportation Secretary Vince Dizon a mangaramid ti addang tapno masiguro ti kinatalged dagiti pasahero kabayatan ti biyahe.
Segun kenni Castro, mairekomenda nga ibaba iti uppat nga oras, manipud iti innem nga oras, iti panagpasada dagiti PUV bus drivers.
Kinuna na a mabalin a makaapekto iti kapasidad nga agmaneho dagiti bus drivers nu lumbes iti naikeddeng nga oras iti kapaut ti panagpasada iti kalsada.
Binalakadan pay ni Castro iti dadduma a motorista nga agbalin a responsable, ken saan nga agmaneho a napuyatan wenno nabartek, agsipudta nakasadag kadakuada iti kinatalged dagiti pasahero ken uray kadagiti pedestrian.
