Relasyon ti Pilipinas ken Hungary, dinakamat iti meeting da Speaker Romualdez ken Hungarian Member Parliament
Inabrasa ni Speaker Ferdinand Martin G. Romualdez ti delegasion dagiti Hungarian Members of Parliament nga indauluan ni Zsolt Németh, Chairman ti Foreign Affairs Committee ti National Assembly of Hungary.
Kinuna ni Speaker Romualdez a napagsasaritaan iti miting ti pannakapapigsa ti bilateral cooperation ti Hungary ken ti Pilipinas.
Dinayaw ti lider ti Kamara ti panagtultuloy ti high-level exchanges iti nagbaetan ti dua a pagilian pakairamanan ti panagbisita ni Hungarian Foreign Minister Péter Szijjártó iti Pilipinas idi Hunio 2023.
Binigbig pay ni Speaker Romualdez dagiti addang nga inaramid ni Hungarian Deputy Speaker Istvan Jakab a simmarungkar iti pagilian idi 2021 ken dati a Presidente ti Senado ti Pilipinas a ni Juan Miguel Zubiri a nangidaulo iti delegasion a napan idiay Hungary idi 2019 ken 2023.
Tapno mataginayon ti natibker a relasion ti dua a pagilian, kinuna ni Speaker Romualdez a maipasdek ti Philippines-Hungary Parliamentarians’ Friendship Group iti Kamara kalpasan ti May 2025 midterm elections.
Kinuna ti lider ti Kamara a ti Hungary ti maika-14 a kadakkelan a trading partner ti Pilipinas kadagiti pagilian ti European Union idi tawen 2023.
Agtalek ni Romualdez nga ad-adda pay a mapapigsa ti trade iti nagbaetan dagiti dua a pagilian ken mailako dagiti produkto ti Pilipinas kas iti electronic equipment, machinery, optical products, ken medical instruments sadiay Hungary.
Dinayaw met a pay ti suporta ti Hungary iti agdama a negosasion para iti PH-EU Free Trade Agreement.
Inyebkas met ni Chairman Németh ti panagtalekna a malpas ti PH-EU Free Trade Agreement ita a tawen.
Nagyaman ti Speaker iti Hungary iti panangpasangbay da kadagiti 11,600 Filipinos ken iti panangsuportana iti pannakalukat ti Philippine Migrant Workers Office sadiay Budapest.
Kinuna ni Chairman Németh a daydayawen dagiti employers iti pagilianda ti work skills dagiti Pilipino.
Nagyaman ni Speaker Romualdez iti Hungary gapu iti panangsuportana iti Pilipinas tapno maaddaan iti tugaw iti United Nations Security Council para 2027 agingga 2028.
Kas incoming ASEAN chair inton 2025, impatalged na ti tarigagay ti Pilipinas a mangisaknap iti inclusive ken innovation-led growth, mangpaadu iti suplay ti taraon ken mangpapigsa iti maritime cooperation dagiti pagilian.
Dinayaw na ti panggep ti Hungary nga umanamong iti Treaty of Amity and Cooperation in Southeast Asia, maigiddato iti impaganetgetna a kinapateg ti regional partnership.
Inabrasa ni Speaker Ferdinand Martin G. Romualdez ti delegasion dagiti Hungarian Members of Parliament nga indauluan ni Zsolt Németh, Chairman ti Foreign Affairs Committee ti National Assembly of Hungary.
Kinuna ni Speaker Romualdez a napagsasaritaan iti miting ti pannakapapigsa ti bilateral cooperation ti Hungary ken ti Pilipinas.
Dinayaw ti lider ti Kamara ti panagtultuloy ti high-level exchanges iti nagbaetan ti dua a pagilian pakairamanan ti panagbisita ni Hungarian Foreign Minister Péter Szijjártó iti Pilipinas idi Hunio 2023.
Binigbig pay ni Speaker Romualdez dagiti addang nga inaramid ni Hungarian Deputy Speaker Istvan Jakab a simmarungkar iti pagilian idi 2021 ken dati a Presidente ti Senado ti Pilipinas a ni Juan Miguel Zubiri a nangidaulo iti delegasion a napan idiay Hungary idi 2019 ken 2023.
Tapno mataginayon ti natibker a relasion ti dua a pagilian, kinuna ni Speaker Romualdez a maipasdek ti Philippines-Hungary Parliamentarians’ Friendship Group iti Kamara kalpasan ti May 2025 midterm elections.
Kinuna ti lider ti Kamara a ti Hungary ti maika-14 a kadakkelan a trading partner ti Pilipinas kadagiti pagilian ti European Union idi tawen 2023.
Agtalek ni Romualdez nga ad-adda pay a mapapigsa ti trade iti nagbaetan dagiti dua a pagilian ken mailako dagiti produkto ti Pilipinas kas iti electronic equipment, machinery, optical products, ken medical instruments sadiay Hungary.
Dinayaw met a pay ti suporta ti Hungary iti agdama a negosasion para iti PH-EU Free Trade Agreement.
