LA UNION – Binallaagan ni Antipolo City 2nd District Rep. Romeo Acop ni Mrs. Mylah Roque asawa ni sigud a presidential spokesperson Harry Roque nga i-comply iti show-cause order ti Quad Comm wenno maipa-aresto daytoy.
Segun kenni Acop, mabalinna met ti agturong ken ibaga iti… I refuse to answer gaputa ma self-incriminate isuna ket nu saan nga agparang, maysa daytoy kadagiti kadagsenan a basol iti rules ket mabalin a ma-cite in contempt.
Kinuna ni Acop, nu saanna a respetuen ti subpoena, agrequest ti komite ti arrest order kontra kenkuana.
Inlawlawag ti kongresista, a ti panangisyu ti show-cause order ti Quad Comm kenni Mrs Roque ket maysa a wagas tapno ipaayan daytoy ti gundaway a makapag-palawag.
Saan a dimmar-ay iti panagdengngeg ti komite idi Sept. 19 ni Mrs Roque agsipudta nagpaisidong iti medical treatment idiay Singapore.
Inlawlawag met ni Surigao del Norte 2nd District Rep. Robert Ace Barbers, Quad-Comm overall chairman, nga immuna a naimbitaran ni Mrs. Roque iti komite tapno maikkan ti gundaway nga ilawlawag ti pannakairaman na iti panagpirma ti lease agreement kadagiti Chinese nationals a maipagarop nga adda pakainaiganna iti POGO complex idiay Bamban, Tarlac.
Kinumpirma met ni Acop a kiniddaw ti komite iti medical records ni Mrs. Roque. tapno maawatan da ti kondisyon daytoy.
