Agtalek ti maysa a mamanday-linteg a rumbeng laeng a ti Department of Health (DOH) ti agdesisyon ken mangaprobar nu kasapulan a mapangato ti bilang ti bed capacity dagiti amin a public hospitals babaen ti supervision ti ahensya a saan a ti Kongreso, nu kasta ket masiguro ti panangipaay ti de kalidad a healthcare dagiti Pilipino.
Impaganetget ni Representative Brian Raymund Yamsuan a ti agdama gamin a set up ket magna pay kadagiti nakaad-ado a proseso, nga isu kunana ti rason ti pannakatantan ti kumarkaro a problema, partikular ti kinakurang ti hospital bed kadagit public health facilities.
Kinunana a nu maikkan ti otoridad ti DOH a mangisayangkat ti adjustment ken aprobaran da ti panagnayon ti bed capacities, ket lalo pay nga agbalin nga epektibo ti panagipaay ti serbisyo salun-at.
Segun iti Kongresista, ti nasao a singasing ket nakapauneg iti Philippine Health Facility Development Plan (PHFDP) for 2020 to 2040. Panggep ti 20-year blueprint nga i-guide ti gobierno para iti epektibo nga investments kadagiti health infrastructures.
Ni Yamsuan ket co-author ti House Bill (HB) 1565 wenno ti The Proposed DOH Bed Capacity and Service Capability Rationalization Act.
Panggep na a maipila manen inton sumaruno a Kongreso ti singasing, a masa kadagiti prayoridad na apaman mangabak iti congressional bid inton umay a Mayo 12.
