BR LA UNION – Kinumpirma ni National Bureau of Investigation (NBI) Director Jaime Santiago nga adda sumagmamano a kaso nga indatag da kontra iti vlogger a ni Claire Contreras wenno nalatak a ni “Maharlika” ken ni sigud a presidential spokesperson Atty. Harry Roque.
Indaulwan ti NBI Cybercrime Division iti panangidatag ti kaso gaputi panangiwaras dagiti dua ti maipagarop a “polvoronic” video ni President Ferdinand Marcos Jr.
Iti nasao a video ket im-post iti social media ni Contreras ken nagwaras daytoy.
Idi Marso 13, 2025 ket inaklon ni Maharlika nga isuna ti adda iti likod ti panagwaras ti video.
Bayat a ni Roque iti inaramid na a video stream ket inallokoy na iti publiko a labanan iti gobyerno.
Sumangsango ita ni Maharlika iti kaso nga Unlawful Use of Means of Publication and Unlawful Utterances, Inciting to Sedition, Cyber Libel, ken Computer-Related Forgery bayat a ni Roque ket sumangsango iti kaso a sedition.
