BR LA UNION – “Nasaan ang angas mo?” – dayta iti situtured a salodsod ni Mamamayang Liberal Partylist Rep. Leila De Lima kenni Senator Bato Dela Rosa.
Daytoy ket kalpasan a nabuya na iti nagwaras a video, a makita ti panagtaray ni Dela Rosa ken panangkamat kenkuana dagiti ahente ti National Bureau of Investigation (NBI).
Segun kenni De Lima, nakita na iti nasao a video ket para kenkuana, maysa daytoy a “pathetic.”
Impaganetget na, nu pudno nga adda “angas” ni Dela Rosa ket ipakita na ngarud daytoy ita a sumangsango iti isyu ken saan nga aglemmeng iti likod ti politika.
Dinakamat pay ti mammanday linteg a dakkel ti nagbaliwan iti sigud a “palaban” nga imahe ni Dela Rosa kumpara iti naglabas a tawen, ken impaganetget na a ti pangrukodan ti maysa a lider ket saan a ti kinatured wenno kina-pangas, ngem ketdi kaadda ti prinsipiyo ken napudno a serbisyo publiko laksid dagiti karit.
