Personal a nagturong iti kontraktor a ni Sarah Discaya iti opisina ti National Bureau of Investigation (NBI).
Daytoy ket kasaruno ti waragawag ni Presidente Ferdinand Marcos Junior a maipaarestar isuna aniaman nga oras a rumuar iti warrant manipud iti korte.
Sangsanguen ti Disyaya iti kaso a malversation ken graft nga inpila ti Office of the Ombudsman mainaig kadagiti maanomalya a flood control project idiay Davao Occidental.
Ti proyekto nga aggatad ti P96.5 million ket naideklara a nalpas idi 2022 ngem natakuatan a ‘non-existing’ daytoy kalpasan ti imbestigasion ti CIDG.
Konektado ni Discaya kadagiti kompania a nakaala ti dakkel a paset ti flood control contracts, pakairamanan ti Alpha & Omega General Contractor & Development Corporation.
Karaman pay iti kaso dagiti sumagmamano nga opisial ti Department of Public Works and Highways (DPWH) a nairaman iti nadakamat a proyekto.
Segun ti presidente, saan a makalubos iti hustisia dagiti karaman iti korapasion ken mangnamnama a rumuar iti warrant ita a lawas.
Ti panagparang ni Discaya iti NBI ket mangipakpakita ti napateg nga addang iti nalawlawa nga imbestigasion kontra korapsion kadagiti proyekto pang-imprastruktura ti gobierno.#
