LA UNION – Rimmuk-at iti alyansa ni Sen. Imee Marcos, sumagmamano nga aldaw kalpasan nga inyindorso ti partido ti kabsat na a ni President Ferdinand Marcos Jr.
Kabilang iti nasao nga alyansa iti Nacionalista Party, Lakas CMD, NPC ken dadduma pay.
Iti video message, imbaga ni Sen. Marcos nga agyaman daytoy iti grupo nga agtalek ken agtultuloy a mangipapaay ti talek kenkuana, ngem adda dagiti banag nga ikon-konsidera na.
Kinuna na nga insuro ti ama na a ni sigud a Presidente Ferdinand E. Marcos Sr. nga agbalin a natibker ken tumakder a maymaysa, nga awan ti pan-panigan nga organisasyon, nu saan laeng a dagiti umili.
Aminado daytoy a saan a nalaka nga agmaymaysa iti kampanya ken iti politika, ngem saanna met a kayat a maikabil iti alanganin iti “ading na” wenno ubing a kabsat, a presidente ita ti pagilian.
Maipalagip nga asideg a gayyem ni Sen. Imee ni Vice President Sara Duterte bayat a kasinsinna met ni House Speaker Ferdinand Martin Romualdez.
Iti susik da Romualdez ken Duterte ket rimwar kadagiti nabiit pay a panagsarita ni VP Sara.
Nagbalin pay nga isyu iti panangaklon ti bise presidente a ni Sen. Imee iti gayyem na ken para laeng iti panawen ti pulitika iti panagbalin da a nasinged idi kenni Presidente Bongbong Marcos Jr.
