Maysa a senior citizen manipud General Santos City ti nagbalin a baro a multi-milyonaryo kalpasan a mapangabakan ti ₱39.3-M jackpot ti Lotto 6/42 draw idi Marso 5, 2026.
Ti winning combination a 33-32-18-01-10-04 ti nangiturong kenkuana iti balligi para ti aganay sangapulo a tawen a panagtaya iti lotto.
Segun iti Philippine Charity Sweepstakes Office wenno PCSO, nakumpleton ti nangabak ti validation process ken personal a naala ti papremyo sadiay main office ti ahensya.
Agtaltalinaed met a confidential iti pakabigbigan na para iti seguridad ket maitunos metten iti allagaden ti PCSO.
Inbinglay ti nangabak, a maysa pay a miembro ti PWDs, nagtalinaed isuna a positibo laksid iti karit ti biag. Plano na met a bayadan dagiti naisangla na a sanikua ken managlukat ti baro a negosyo, kasaruno ti panagannad iti panangimaton ti napangabakan a gatad ti kwarta.
