LA UNION – Adda maysa a nairekord a natay gaputi paputok, uppat nga aldaw sakbay iti Baro a Tawen.
Segun kenni Department of Health (DOH) spokesperson ASec. Albert Domingo, ti natay ket 78-anyos a lolo, kalpasan a sinin-diyanna iti paputok a Judas belt.
Nagsagaba daytoy ti multiple injuries. Naitaray iti ospital idi Disyembre 22 ngem natay idi Disyembre 27.
Segun iti DOH, adda pay sabali a sakit ti biktima.
Karaman ti pimmusay nga indibidual kadagiti immuna a 125 a kaso ti firecracker-related injuries a nairekord manipud kadagiti 62 a sentinel sites a bantayan ti DOH sipud idi Dis. 22 agingga itay bigat iti alas 6 ita a Sabado, Disiembre 28. Iti dayta a bilang, 24 ti baro a nairekord a kaso ita nga aldaw.
Agarup 102 kadagiti biktima ket awan pay 19 ti tawenda idinto a 23 ti nasurok a 20 ti tawenda.
No sekso ti pagsasaritaan, 114 ti lallaki idinto a 11 ti babbai a biktima ti paputok.
Segun iti DOH, 91 a kaso wenno 73% ti gapuanan ti illegal a paputok kas iti boga, 5-star ken piccolo a 75 wenno 60% ti aktibo a nagusar iti paputok.
Karaman ti nasao a natay kadagiti immuna a 125 a kaso ti firecracker-related injuries a nairekord manipud kadagiti 62 a sentinel sites a banbantayan ti DOH manipud idi Disyembre 22 agingga itay alas 6 ti bigat, Disyembre 28.
Iti nasao a bilang, 24 ti baro a nairekord a kaso ita nga aldaw.
Dagiti 102 a biktima ket agtawen ti 19 agpababa idinto a dagiti 23 a biktima ket 20-anyos nga agpangato.
114 iti lallaki idinto a 11 ti babbai a biktima ti paputok.
Segun iti DOH, 91 a kaso wenno 73% ket gapwanan ti illegal a paputok kas iti boga, 5-star ken piccolo, 75 wenno 60% kadagitoy ket aktibo nga agus-usar ti paputok.
Mainaig iti daytoy, imballaag ni ASec. Domingo, nga uray legal ti paputok, napeggad latta daytoy, isu a nasaysayaat no liklikan ti paputok tapno natalged a pasangbayen ti baro a tawen.
Impalagip pay ti DOH nga agusar kadagiti alternatibo a pagparnuay ti ariwawa kas iti trumpeta wenno musika.
Nu kasapolan ti tulong, tumawag iti 911 emergency hotline wenno 1555 DOH emergency hotline.
