LA UNION – Rugyanen ti Constitutional Court ti South Korea iti proseso a panangdesisyon iti impeachment case ni Korean President Yoon Suk-yeol, kasaruno ti desisyon ti National Assembly nga ikkaten isuna iti pwesto.
Iti impeachment ket bunga iti kontrobersyal a pananggandat nga ideklara ti martial law, ngem imbabawi na met laeng kalpasan ti innem nga oras.
Iti deklarasyon ket nanggubway ti nalawa a riribok, panagsardeng dagiti aktibidad a pang-diplomasya.
Iti indatag nga impeachment resolution ni Jung Chung-rae, Chairman ti Legislative and Judiciary Committee ti National Assembly, maipaayan ti innem a bulan iti Constitutional Court wenno 180 days, tapno mangiyetnag ti pinal a desisyon seknan iti impeachment.
Nu maikkat ni Yoon, maisayangkat ti maysa nga snap presidential election iti uneg ti 60 nga aldaw tapno maipatugaw ti baro a presidente.
Bayat a ni Prime Minister Han Duck-soo iti temporaryo nga agtugaw kas acting president agingga nga agdesisyon ti korte.
Nagkari met iti korte a mangisayangkat ti maysa a napaspas ken naingkalintegan a panagusig, ken madutukan ti dua nga ukom a mangidaulo ti panangamiris kadagiti ebidensya.
