Inlawlawag ti liderato ti SSS ti kinapateg ti 1% contribution rate hike gapu ta daytoy ti mangpaadu iti benepisio dagiti miembro malaksid pay iti kinapudno a maitunos daytoy iti linteg.
Inlawlawag ni SSS President ken CEO Robert Joseph de Claro a ti contribution rate hike ket addaan iti long term ken short term benefits para kadagiti miembro.
Daytoy ket iti laksid ti awag a masuspende pay laeng daitoy.
Espesipiko a kinunana a P400 ti mainayon iti binulan a pension dagiti pensionado.
Inpakaammo ni De Claro nga adda epektona kadagiti kameng ti SSS no saan a maipatungpal ti contribution rate hike a 1% nga epektibo idi Enero 1, 2025.
Mamati ni De Claro a daytoyen ti maudi nga implementasyon ti SSS iti contribution rate hike.
Inpakaammo met ti opisyal a silulukatda iti saritaan mainaig iti call for suspension ti contribution rate increase.
Kinapudnona, inawagan na dagiti lehislador a suportaranda ti kontribusion subsidy program nga itantandudoda.
Patien ni De Claro a ti kanayunan a koleksion ti ahensiada ket mabalin a mausar a pangpondo kadagiti dadduma a serbisio nga ituktukon ti SSS, partikular dagiti calamity loans.
Kinunanan nga imbes a maitandudo ti pannakasuspende ti contribution rate hike, tumulong koma lattan dagiti mammanday-linteg nga i-subsidize iti panagngato ti benepisio dagiti miembro ti SSS.
