Opisial nga inlunsad ti Social Security System (SSS) ti My.SSS Card – maysa a baro a card a mabalin nga i-avail dagiti miembro a kasukat ti UMID Card.
Segun ti SSS, amin a miembro nga addaan ti saan a bumaba ti maysa a bulan a kontribusion ket mabalinda ti agaplikar ti My.SSS Card, uray no addaandan ti UMID ID.
Agserbi ti My.SSS Card kas ATM ken inruar ti gobierno kas identification card nga addaan ti bank account number a nakatie up kadagiti SSS partner banks kas ti RCBC ken UnionBank, a mangipaulog iti nadakamat a card.
Apaman nga agapply ti maysa a miembro, automatiko nga addaan isunan ti bukodna a bank account ken direkta a maawat dagiti benepisio ken pautang manipud ti SSS.
Ti aplikasion para ti My.SSS Card ket maaramid online, ken kalpasan ti panagrehistro, mabalin nga i-claim iti napili a partner bank.
Malaksid iti panagbalin nga ATM, mabigbig ti My.SSS Card kas kangrunaan nga ID ti gobierno a maawat kadagiti banko, remittance center, ken dadduma pay nga opisial a transaksion
Agserbi pay daytoy a kas access card kadagiti benepisio ti SSS kas iti sickness, maternity, disability, retirement, death, ken funeral benefits no ma-update iti kontribusion ti miembro.
Mabalin met nga usaren daytoy nga agaplikar para ti SSS salary loans, calamity loans, ken mang-mantener kadagiti rekord iti ahensia.
Ti card ket addaan kadagiti biometric security features kas iti fingerprint ken retrato ti miembro, a mangipaay iti nangatngato a lebel ti proteksion kontra kadagiti manangallilaw ti pakabigbigan.
Iti pakabuklan, manamnama nga iti My.SSS Card ket mangpasayaat ken mangpapartak iti pannakagun-od kadagiti benepisio ken social services ti SSS, bayat a mangpapigsa ti seguridad ken kredibilidad ti tunggal miembro.###
