BR LA UNION – Kinumpirma ti maysa nga opisyal ti Department of Health (DOH) a saanen a konektado iti opisina da, da Health Undersecretaries Dr. Maria Rosario Singh-Vergeire, CESO II; Achilles Gerard Bravo, CESO, II; ken Dr. Kenneth Ronquillo, CESO III.
Naamwan a naikkat dagitoy manipud iti Executive Committee (Execom) nga indaulwan ni Health Secretary Teodoro Herbosa agraman dagiti undersecretaries ken assistant secretaries.
Kinumpirma ni DOH spokesperson Assistant Secretary Albert Domingo ti nasao a damag ngem saanen a nangipaay ti dadduma a detalye.
Innayon pay ni Domingo a nagbalin a personal iti maipagarop a desisyon a pumanaw iti DOH.
Kagiddan daytoy, adda iti sumagmamano a baro nga appointment a pakaibilangan ni Dr. Gregorio Murillo Jr. a sigud a mayor ti Tago, Surigao del Sur a nautukan kas undersecretary for health facilities enhancement and infrastructure management and special concerns.
