Pinasingkedan ti sumagmamano a senador a saan da a makaatendar iti ceremonial signing ti 2025 national budget sadiay Malacañang a maangay inton Disiembre 30.
Segun kenni Senate President pro-tempore Jinggoy Estrada, nakaawat daytoy iti advisory manipud iti Presidential Legislative Liaison Office (PLLO) mainaig iti nakatuding a panagpirma ni Presidente Bongbong Marcos iti national budget inton sumaruno a Lunes, ngem saan daitoy a makadar-ay gapo iti previous commitment na a dapat na nga unaen a papanan.
Kinuna met ni Senador Migz Zubiri nga addanto isuna idiay ballasiw-taaw inton sumaruno a lawas isu a saanna a masaksihan ti naan-anay a panagpirma ti Presidente iti budget.
Kabayatanna, saan met a makaatender ni Senador Sherwin Gatchalian iti ceremonial signing ngem saan nan a dinakamat ti rason.
Iti sabali a bangir, namnamaen ni Zubiri a narisuten dagiti isyu iti sektor ti edukasion kalpasan nga intuding ti Kongreso ti ₱12 bilion kasta met ti zero subsidy para iti PhilHealth.
