Makunkuna a naallilaw iti kuarta dagiti opisiales ti gobierno ditoy Pilipinas isu a pinalubosanda ti illegal nga operasion ti Philippine Offshore Gaming Operators (POGO) uray no imparit idin ni Presidente Ferdinand “Bongbong” Marcos Junior.
Daytoy ti kinuna ni Santa Rosa City Representative Dan Fernandez bayat iti panangisayangkatda manen iti imbestigasion babaen ti quad committee ti Kamara.
Kinuna ni Fernandez nga iti laksid ti pammilin ti Presidente, nagtultuloy ti operasion ti POGO sadiay Cebu, Cavite, ken Cagayan gapu ta maipagarop nga impamaysa dagiti korap nga opisyales ti atensionda iti kuarta, ken personal nga interes.
Madanagan pay ni Fernandez iti alegasion nga adda dagiti senior officers ken dati nga opisial ti Philippine National Police (PNP) a karaman isu nga agtultuloy ti operasion ti POGO.
Iti panagleppas na, inawagan ni Fernandez ti publiko a tumulong a mangbirok kadagiti illegal a POGO ken karaman kadaitoy.
