LA UNION – Dimmawat ti pammakawan ni South Korea President Yoon Suk Yeol gaputi ginubway a public anxiety wenno pannakariribok dagiti umili idiay South Korea iti kellaat a panangideklara na ti martial law idi rabii ti Martes, Disyembre 3.
Aminado ni Pres. Yoon a ti inaramid na nga addang ket maysa a desperado a desisyon iti tarigagay nga isalbar ti administrasyon na manipud kadagiti pagarupenna a kontra iti gobyerno ken saan a nasayaat nga estado ti pulitika ti nasao a pagilian.
Daytoy iti umuna a panagparang na iti publiko kalpasan ti kontrobersiyal a martial law declaration, nga imbabawi na met laeng kalpasan ti sumagmamano mga oras.
Ingkari ni Yoon nga ibaklay na iti legal wenno political responsibility kasaruno ti martial law declaration ket nagkari a saannan a gandaten ti mangideklara iti maikadwa a martial law.
Ngem italek na iti conservative political party a mangrisot ti anyaman a political turmoil iti pagilian da a pakairamanan ti nabatbati a termino na kas presidente ti South Korea.
Inaramid ni Yoon iti televised speech ken panagkiddaw na ti dispensar, sumagmamano nga oras sakbay a pagbobotosan ti parliamento iti
naidatag nga impeachment motion kontra kenkuana ken iti tengnga ti lumaw-lawa a panawagan nga aglosolosen iti puwesto.
Tapno ma-impeach ti Presidente idiay South Korea, kasapolan ti botos a 200 a mangsuporta iti mosyon, manipud iti 300 a miyembro ti National Assembly.
Iti oposisyon a nangisubmitir ti nasao nga impeachment motion ket addaan ti 192 seats.
